Қазақстандық боксшы Нұрбек Оралбай Болгарияның София қаласында өтіп жатқан "Странджа-2025" турнирінде (бейресми түрде "кіші әлем чемпионаты") жарқын жеңіске жетті.
Нұрбек Оралбай 86 кг салмақ дәрежесінің 1/8 финалында болгариялық Мануэль Жечевпен қолғап түйістірді. Жекпе-жектің тағдыры екінші раундта-ақ шешілді. Жечев нокдаунға түсті. Қорытынды есеп – 5:0.
Нұрбек Оралбай 2024 жылғы Париж Олимпиадасының күміс жүлдегері, 2023 жылғы әлем чемпионы (Ташкент, Өзбекстан) саналады.
Еске сала кетсек, бұл турнирде Оралбай әулеті 92 кг салмақ дәрежесінде де бар. Нұрбектің егіз бауыры – Айбек Оралбай шаршы алаңда өнер көрсетеді. Айбек ұлттық құраманың капитаны болып табылады.
