Желіде қазақстандық дзюдошы Елдос Сметовтің кезекті жаттығуынан кейін түсірілген суреті пайда болды.
Фотода Сметов 21 жастағы британдық дзюдошы Айюб Дафаламен бірге тұрғанын көруге болады.
Бұған дейін спортшының Лондонға ағылшын тілін үйрену мақсатында кеткені хабарланған. Оның Англияда 4-5 ай уақыт өткізетіні, содан кейін елге оралып, жаттығуларын жалғастыратыны белгілі болды.
Ол Олимпиада ойындарында толық медаль жиынтығын жинаған алғашқы қазақстандық дзюдошы:
2016 жылы – күміс
2020 жылы – қола
2024 жылы – Париж Олимпиадасында алтын алып, қазақстандық дзюдо тарихындағы алғашқы Олимпиада чемпионы атанды.
Сметов Англиядағы оқуын аяқтағаннан кейін Қазақстанға оралып, спорттық мансабын жалғастыруды жоспарлап отыр. Ол Париж Олимпиадасындағы тарихи жетістігінен кейін де үлкен мақсаттарға ұмтылатынын мәлімдеген.
