Қазақстандық Бекман Сойлыбаев Universal Boxing Organisation (UBO) нұсқасы бойынша "Айдың үздік боксшысы" атанды. Бұл туралы ұйымның ресми сайтында хабарланды.
Марапат 23 ақпанда Ақтауда өткен әсерлі жеңістен кейін берілді. Бекман UBO чемпиондық белбеуі үшін өткен жекпе-жекте танзаниялық Абеид Зугоны үшінші раундта нокаутқа түсірді.
UBO мәлімдемесінде:"Сойлыбаев мықты қарсыласқа қарсы жоғары деңгейде өнер көрсетті. Зуго бұған дейін әлем чемпиондарын жеңген, бірақ бұл кездесуде қазақстандық боксшы басымдық көрсетті. Бұл жеңіс оған чемпиондық белбеумен қатар, айдың үздік боксшысы атағын да сыйлады", – делінген.
