Ресейлік боксшы Артур Бетербиев ақпан айында Дмитрий Биволға төрешілер шешімімен жеңіліп, жартылай ауыр салмақтағы абсолютті әлем чемпионы атағынан айырылған еді. Бірақ ол жаттығуларға қайта оралғанын мәлімдеді.
Бетербиев өзінің Instagram парақшасында спорттық дайындықтарын қайта бастағанын жазды:
"Ассалаумағалейкум, баршаңызға сәлем! Әлхамдулиллах, қазір қасиетті Рамазан айы өтіп жатыр. Біз ораза ұстап, Аллаға құлшылық етудеміз. Бұл айдың берекесімен және Алланың шексіз рақымымен күнәларымыз кешіріліп, жұмаққа кіруді нәсіп етсін деп үміттенеміз.
Қысқа демалыстан кейін денемнің өзі жаттығуды қалады. Сондықтан жеңіл жаттығуларды бастадым. Көп жыл бойы қалыптасқан тәртібім бойынша жұмыс істеп жатырмын. Барлығы өз ретімен, жоспар бойынша жүруде. Бірақ Алланың жоспары – біздікінен әрқашан да жақсырақ".
Қазір Бетербиев 22 жекпе-жек өткізіп, 21 жеңіске жетті. Ол өзінің спорттық мансабын жалғастыруға ниетті екенін білдірді.
