Осылайша, бұрымды боксшымыз әлем чемпионатының ширек финалына шықты.
Қазақстандық боксшы Алуа Балқыбекова Сербияның Ниш қаласында өтіп жатқан 2025 жылғы әйелдер арасындағы әлем чемпионатында кезекті жеңісіне қол жеткізді.
50 келіге дейінгі салмақ дәрежесінде 1/8 финалдық жекпе-жекте Балқыбекова марокколық Ясмин Мутакимен кездесіп, таза жеңіске (5:0) жетті.
Осылайша, Алуа Балқыбекова әлем чемпионатының ширек финалына жолдама алды. Айта кетейік, ол бұған дейін екі рет әлем чемпионатының жүлдегері атанған (2022 жылы – күміс, 2023 жылы – қола) және Азияның екі дүркін чемпионы (2021, 2022).
Ал оның қарсыласы Ясмин Мутаки – 2023 жылғы әлем чемпионатының қола жүлдегері және Африканың үш дүркін чемпионы (2017, 2023, 2024).
Балқыбекова енді жартылай финалға шығу үшін келесі жекпе-жегін өткізеді.
