Қазақстандық боксшы Виктория Графеева Сербияның Ниш қаласында өтіп жатқан әйелдер арасындағы бокстан әлем чемпионатында керемет жеңіске жетті.
Виктория Графеева 1/4 финалда 60 кг салмақ дәрежесінде Өзбекстан құрамасының көшбасшысы, 2021 және 2023 жылдардағы Азия чемпионы Ситора Турдибековамен қолғап түйістірді.
Қазақстандық спортшы екінші раундта қарсыласын нокдаунға жіберіп, кездесуде толық басымдық танытты. Төрешілер бірауыздан 5:0 есебімен жеңісті Графееваның еншісіне берді.
Осыған дейін 1/8 финал кезеңінде Графеева Грекия өкілі София Легакиді дәл осындай 5:0 есебімен ұтқан еді.
Графеева Қазақстандық спортшы Азияның қазіргі чемпионы болып табылады. Ол 2023 жылдың желтоқсанында Таиландтың Чиангмай қаласында өткен Азия чемпионатында алтын медаль жеңіп алған.
