Өзбекстандық боксшының 5 сәуірдегі қарсыласы белгілі болды.
Өзбекстандық кәсіпқой боксшы, екі дүркін Олимпиада чемпионы Баходир Джалолов (14-0, 14 KO) 5 сәуірде Астанада кезекті жекпе-жегін өткізеді. Оның қарсыласы украиналық боксшы Игорь Шевадзуцкий (12-2, 10 KO) болмақ. Шевадзуцкий рингте "Халк" деген лақап атпен танымал.
5 сәуір күні өтетін бокс кешінің басты жекпе-жегінде орта салмақтағы қазақстандық чемпион Жәнібек Әлімханұлы (16-0, 11 KO) француз боксшысы Анауэль Нгамиссенгемен (14-0, 9 KO) жұдырықтасады. Бұл кездесуде Әлімханұлы WBO және IBF тұжырымдары бойынша орта салмақтағы әлем чемпионы атақтарын қорғайды.
