Финалда Назым Ресейлік Юлия Чумгалакованы ойсырата жеңді.
48 келіге дейінгі салмақта өнер көрсететін қазақстандық былғары қолғап шебері Назым Қызайбай Сербияда өтіп жатқан әлем чемпионатында топ жарды.
Финалда Назым Ресейлік Юлия Чумгалакованы айқын басымдықпен жеңіп, 5:0 есебімен чемпион атанды.
Осылайша, қазақ боксшы қыздары арасынан шыққан үш дүркін әлем чемпионы болып тарихқа енді.
Айта кетейік, бүгін Назымнан бөлек тағы 4 бұрымдымыз байрақты бәсекеде бақ сынайды.
