Қазақстандық боксшы Алуа Балқыбекова Сербияның Ниш қаласында өткен әйелдер арасындағы әлем чемпионатында жеңіске жетті.
50 келіге дейінгі салмақ дәрежесінде өткен финалдық кездесуде Балқыбекова Қытайлық Ху Мэйимен қолғап түйістірді. Қазақстандық спортшы таза жеңіске жетіп, төрешілердің бірауызды шешімімен (5:0) әлем чемпионы атанды.
Бұл жеңіс Алуаның әлем чемпионатындағы үшінші жүлдесі. Ол 2022 жылы күміс, 2023 жылы қола медаль еншілеген болатын. Сонымен қатарБалқыбекова Азия чемпионатының екі дүркін жеңімпазы (2021, 2022).
