Жәнібек Әлімханұлының қатысуымен 5 сәуірде Астана қаласында өтетін "Battle of the Brave" кәсіпқой бокс кешінің қай телеарнадан көрсетілетіні белгілі болды.
Елордадағы “Барыс Аренада” өтетін спорттық шара көпшілік назарына тікелей эфирде Qazaqstan және Qazsport телеарналары арқылы ұсынылады. Сонымен бірге әлем жұртшылығы оны белгілі ESPN спорт каналы арқылы тамашалай алады.
Бокс кешінің бағдарламасында өзге де қазақстандық спортшылар сынға түседі. Атап айтқанда, жанкүйерлер Сұлтан Зауырбек пен Азинга Фузиле, Батыр Жүкембаев пен Кейн Гарднер, Балауса Мұздыман мен Розалинда Родригес жекпе-жегін көруіне мүмкіндігі бар.
Оған қоса кәсіпқой рингте ағайынды Сабырхандар — Махмұд пен Төрехан, өзбекстандық Баходир Джалоловтың бәсекесі өтеді деп жоспарланып отыр.
