Бокстан әлем және Азия чемпионы Бекзат Нұрдәулетов халықты Наурыз мейрамымен құттықтап, өзінің ерекше сыйлығын көрсетті.
Ол өз құттықтауында былай деп жазған:
"Наурыз мейрамы қарсаңында Жаңаөзен қаласының әкімі Жансейіт Исаханұлы еліміздің спорт және дене шынықтыру саласына қосқан елеулі үлесім үшін алғыс айтып, "Странджа" турнирінде керемет өнер көрсеткенімді атап өтті. Әрдайым жасалған еңбекті бағалап, үлкен шындарды бағындыруға жігерлендірдіңіз. Темір Лесов, Нұрбек Бүркітбай ағаларым, бала кезде армандаған мемлекеттік нөмерді сыйға тартты. Алғысым шексіз", — деді Нұрдәулетов.
Қазір Бекзат Нұрдәулетов кәсіби бокстан әуесқой боксқа оралып, 86 келіде жұдырықтасып жүр. Бұл туралы sportbugin.kz жазды.
