Испанияның әйгілі Толедо қаласында UFC чемпионы Илия Топурияның құрметіне көше атауы берілді.
Испанияның Толедо қалалық кеңесі UFC-дің қазіргі чемпионы, грузин текті Илия Топурияға ерекше құрмет көрсетті. Қала көшелерінің бірі енді оның атымен аталады. Бұл шешім Топурияның спорттағы табандылығы мен әлемдік аренадағы жеңістері үшін берілген символдық алғыс іспетті.
Салтанатты шара кезінде чемпион ерекше эмоцияларын бөлісті:
“Мұндай тарихи қалада менің атымдағы көше пайда болғаны үлкен мәртебе. Бұл күн менің ғана емес, бүкіл отбасым үшін де өте маңызды. Осындай сәттер күнде бола бермейді. Осы жолда көп тер төктім, және бүгінгі нәтижеге мақтанышпен қараймын”, — деді Топурия.
2024 жылы Илия Топурия Грузияның бұрынғы президенті Саломе Зурабишвилидің қолынан Құрмет орденін алды. Бұдан бөлек ол Грузия премьер-министрі Ираклий Кобахидземен кездесіп, Рустави қаласындағы жаңа спорт кешенінің ашылуына қатысты.
