Мексикада өткен UFC on ESPN 64 турнирінің басты оқиғасы Брэндон Морено мен Стив Эрцег арасындағы жекпе-жек болды. Ең жеңіл салмақта (57 кг дейін) өткен айқаста жергілікті жанкүйерлердің қолдауына ие болған Морено бірауызды шешіммен жеңіске жетті.
Брэндон Морено өзінің кәсіби мансабында 23 жеңіске жетіп, 8 рет жеңіліп, 2 кездесуде тең түскен. Ал Стив Эрцег 12 жеңіс және 4 жеңіліске ие.
Морено бұл жекпе-жекке 2024 жылдың қарашасында Амир Альбазиді жеңгеннен кейін шықты. Ол кезде де төрешілердің бірауызды шешімімен басым болған. Осылайша, мексикалық файтердің жеңісті жолы жалғасып келеді.
Эрцегтің соңғы айқасы 2024 жылдың тамызында өткен. Ол кезде ол Кай Кара-Франстан бірінші раундта техникалық нокаутпен жеңілді. Бірақ ең басты жайт — Эрцег казахстандық Асу Алмабаевпен кездесуден бас тартып, Мореномен айқасуды жөн санаған. Бұл шешім ақталмады — Асудан қашқан файтер әділ жазасын алды.
