Қазақстанда "ең халықтық" көлік анықталды. Көш басында кім?

Автонарық қайта қарқын алды

2025 жылдың наурыз айында Қазақстандағы жеңіл және коммерциялық жаңа көліктердің сатылымы былтырғы жылмен салыстырғанда 23,4 пайызға артты. Бұл айда барлығы 19 629 жаңа көлік сатылған. Ал бірінші тоқсан қорытындысы бойынша сату көлемі 46 843 бірлік болды — бұл 2024 жылдың алғашқы үш айымен салыстырғанда 18,8%-ға жоғары.

Наурыздағы ТОП-5 бренд:

1. Hyundai – 4 472 көлік (+32,8%)
2. Chevrolet – 2 738 көлік (+99,3%)
3. Kia – 2 120 көлік (+17,1%)
4. Jetour – 1 362 көлік (+74,4%)
5. Chery – 1 350 көлік (+2,7%)

Қазақстандықтар қандай модельдерді жиі таңдайды?

• Chevrolet Cobalt — 2 236 дана
• Hyundai Tucson — 1 692 дана
• Kia Sportage — 1 090 дана
• Hyundai Mufasa — 955 дана
• Haval M6 — 607 дана

Сарапшылар не дейді?

Қазақстандық автобизнес қауымдастығының (ҚАО) президенті Анар Мақашеваның айтуынша:

“2024 жыл Қазақстандағы автонарық үшін рекордтық жыл болды. 2025 жылдың алғашқы айларындағы динамикаға қарасақ, бұл көрсеткіш тағы да жаңаруы мүмкін. Наурызда 20 мыңға жуық көлік сатылды — бұл халықтың ресми дилерлерге деген сенімінің артып келе жатқанын көрсетеді. Бұған жеңілдетілген автонесиелеу, бонус бағдарламалары мен кепілдік қызметтер үлкен әсер етті”.

Сарапшылардың пікірінше, осындай ынталандырушы бағдарламалар нарықты дамытуға және халықтың көлікке қолжетімділігін арттыруға оң әсерін тигізіп отыр.

2025 жылдың алғашқы тоқсаны бойынша жалпы сату көшбасшылары:

1. Hyundai – 11 705 көлік (+26,2%)
2. Chevrolet – 6 009 көлік (+80,1%)
3. Kia – 4 905 көлік (+0,6%)
4. Jetour – 3 103 көлік (+61,2%)
5. Chery – 3 097 көлік (−10%)

Көлік – баспана емес, бірақ қолжетімді

Қазақстандықтар үшін көлік сатып алу — жиі жағдайда пәтер алуға қарағанда оңай әрі нақты мақсат. Бұл үрдіс нарықтағы ұсыныстың көптігімен де түсіндіріледі: қазіргі кезде ұсыныс сұраныстан асып түсіп отыр.