Компания жүргізушілер мен қолданушыларды ақпаратты тек ресми дереккөздерден тексеруге шақырды.
"Яндекс Такси" баспасөз қызметі интернетте тараған Chevrolet Cobalt көлігін пайдалануға тыйым салынғаны туралы ақпаратты ресми түрде жоққа шығарды.
Компания өкілдерінің айтуынша, бұл модельге қатысты ешқандай шектеу енгізілмеген және Chevrolet Cobalt әлі де тапсырыстарды орындауға жарамды көліктер тізімінде бар. Қолайлы автокөліктердің толық тізімін әрдайым сервисінің ресми көздерінен тексеруге болады.
"Chevrolet Cobalt көлігіне тыйым салынғаны туралы ақпарат шындыққа жанаспайды. Бұл қауесетті таратқан ешбір ресурс бізге ресми түсініктеме немесе растау сұрап хабарласпаған", – деді" Яндекс Такси" баспасөз қызметі.
Компания барлық жүргізушілер мен қолданушыларға интернеттегі расталмаған деректерге сенбеуге және тек ресми дереккөздерден алынған ақпаратқа сүйенуге кеңес берді.
