24 мамырдан бастап Қандыағаш – Мақат тасжолы ақылы болады. 380 шақырымдық бұл жол республикалық маңызға ие және көлік түріне байланысты ақы 2 220 теңгеден 13 220 теңгеге дейін жетеді.
Индустрия және инфрақұрылымдық даму министрлігінің бұйрығына сәйкес, Қандыағаш – Мақат жолы ресми түрде ақылы жолдар қатарына енді. Бұйрық НҚА эталондық бақылау банкінің сайтында жарияланған.
Бірақ бұл ақылы жол барлығына бірдей емес. Жеңіл автокөлік жүргізушілерінен ақы алынбайды. Себебі бұл учаске — техникалық жағынан екінші санатқа жатады. Ал Қазақстан заңнамасы бойынша, тек бірінші санаттағы жолдарда жеңіл көліктерден ақы алынады.
Жолақы тек жүк көліктері мен автобустарға қатысты. Төлем мөлшері көлік түріне, жолаушылар санына және төлем әдісіне байланысты. Есептеу айлық есептік көрсеткіш (АЕК) негізінде жүзеге асады, яғни жыл сайын АЕК өсуіне сай баға да артады.
2025 жылы бір бағытқа сапар шегу үшін:
Сонымен қатар жүргізушілер үшін шексіз жүру мүмкіндігін беретін абонементтер де қарастырылған:
Жүргізушілер үшін Қандыағаш – Ақтөбе – Орал – Атырау – Мақат бағыты арқылы балама тегін маршрут ұсынылған. Бұл жол да республикалық маңызға ие және ақысыз түрде пайдалануға болады.
