Volvo инженерлерімен бірлесіп жасалған Geely Monjaro турбоқозғалтқышы сенімділігімен танымал болғанымен, оның бірнеше әлсіз тұстары бар. NJCar порталы Қытай кроссоверін жүргізетін автокөлік иелерінің пікірлерін сараптап, қозғалтқыш жүйесіндегі негізгі мәселелерді анықтады.
Ең жиі айтылатын шағымдардың бірі — салқындату жүйесінің әлсіздігі. 238 ат күшіне ие, екі литрлік JLH-4G20TDB турбомоторы қатты жүктеме кезінде қызып кетуі мүмкін. Бұл цилиндрлердің деформациясына әкеліп соғады.
Қыста қозғалтқышты алдын ала жылытусыз іске қосу да қосымша күш түсіреді, бұл оның компоненттерінің тез тозуына себеп болады.
Geely Monjaro қозғалтқышы жанармай сапасына өте сезімтал. Компания АИ-95 маркалы бензинді пайдалануға кеңес береді. Ал жаз мезгілінде қозғалтқыштың детонациясын болдырмау үшін АИ-98 немесе АИ-100 бензин құю ұсынылады.
Төмен сапалы отын қолдану:
Зауыттық нұсқаулық бойынша газ тарату механизмінің ремені 120 000 км жүріске арналған. Алайда қазақстандық климат пен жол жағдайларын ескере отырып, мамандар оны 80 000 км-де ауыстыруға кеңес береді.
Сонымен қатар 100 000 км-ден кейін:
Барлық аталған кемшіліктерге қарамастан, сарапшылар Geely Monjaro қозғалтқышы бәсекелестерімен салыстырғанда анағұрлым сенімді екенін айтады. Мәселен, Hyundai Sportage үлгісіндегі G4KD қозғалтқышымен салыстырғанда, Monjaro-ның моторы ұзақ жұмыс істеуге бейім.
Тиісті техникалық қызмет көрсетілген жағдайда, Geely Monjaro қозғалтқышы жоғары сенімділік пен ұзақ мерзімділік көрсетеді.
