Биыл электрмобильдерге квота берілмейді

2025 жылы Еуразиялық экономикалық одақ (ЕАЭО) аясында Қазақстанға электрмобиль әкелуге арналған жеңілдетілген квота ұзартылмайды. Бұл туралы Еуразиялық үкіметаралық кеңестің отырысынан кейін белгілі болды, деп хабарлайды kolesa.kz. 

Биыл комиссия жеке пайдалану үшін 15 мың электрмобильді кедендік баж салығынсыз және қосылған құн салығын (ҚҚС) төлемей әкелуге рұқсат берген. Алайда бұл квота қазан айының ортасында толық игеріліп қойған.

Импорттаушылар мен брокерлердің айтуынша, жеңілдік мерзімі аяқталғанға дейін мыңға жуық электрмобильді рәсімдеп үлгермеген. Қарашаның соңында «Нұр жолы» өткізу бекетінің уақытша сақтау қоймасында 50-ден аз көлік қалғаны анықталды. Ал Алматы мен өзге қалалардағы қоймаларда қанша электрмобиль тұрғаны белгісіз.

ЕАЭО елдері көліктер тізімін ұсынбады

ЕАЭО елдері 2025 жылға қосымша квота беру және жеке тұлғаларға арналған жеңілдікті ұзарту туралы ұсынысты Еуразиялық экономикалық комиссияға жолдаған. Алайда 11 желтоқсанда өткен Еуразиялық үкіметаралық кеңес отырысында бес елдің ешқайсысы квота арқылы рәсімделмей қалған көліктердің нақты тізімін ұсынбаған. Осыған байланысты:

• 2025 жылы жеңілдік мерзімі ұзартылмайды;
• Қазақстанға жаңа квота беру мәселесі 2026 жылдың қаңтарында өтетін келесі отырыста қаралады.

Квотаға үлгермеген көліктер жеңілдіксіз рәсімделуі тиіс. Егер электрмобиль ЕАЭО елдеріне экспортталмаса, кедендік баж салығы алынбайды.

Импорттаушылар мынадай төлем жасауы қажет:

• кедендік рәсімдеу үшін 6 АЕК;
• 12 % ҚҚС (2026 жылғы 1 қаңтардан бастап — 16 %);
• утиль алым алынбайды;
• алғашқы тіркеу ақысы автокөліктің шыққан жылына қарай 0,25–250 АЕК аралығында.