Естеріңізге салсақ, Ландо Норрис формула 1 жаңа чемпионы атанған еді.
«Феррари» командасының пилоты Шарль Леклер «Макларен» шабандозы Ландо Норристің Формула-1-дегі алғашқы чемпиондық атақты жеңіп алуын «әдемі» оқиға деп бағалады.
«Мен бұл спортты эмоциялары үшін қатты жақсы көремін. Қарсыластарыңды қаншалықты жеңгің келсе де, Ландоның жүзіндегі бақытты көру — нағыз сұлулық. Бұл старттық торда тұрған әрқайсымыздың ең үлкен арманы. Ол биыл сол арманын жүзеге асырды, мен ол үшін шын жүректен қуаныштымын. Ол мұны толықтай лайықты түрде жеңіп алды. Енді менің кезегім — осы мақсатқа жету жолында күресуді жалғастыру. Келесі жылы Ландоның өмірін қиындау етуге тырысамын деп үміттенемін», — деп келтіреді Леклердің сөзін Racing News 365 басылымы.
Айта кетейік, бұған дейін Шарль Леклер әлеуметтік желілерде де 2026 жылғы маусымда Ландо Норриске оңай болмайтынын меңзеген жазба жариялаған еді.
26 жастағы британдық автожүргізуші Ландо Норрис «Макларен» командасы атынан өнер көрсетіп, 2025 жылғы маусымның соңғы кезеңі — Абу-Даби Гран-приінің қорытындысы бойынша жеке есепте чемпион атанды.
Абу-Дабидегі финалдық кезеңге Норрис чемпионаттың көшбасшысы ретінде келді. Ол «Ред Булл» командасының төрт дүркін чемпионы, қазіргі титул иегері Макс Ферстаппеннен 12 ұпайға алда тұрған. Титулды жеңіп алу үшін британдыққа алғашқы үштікке кіру жеткілікті болды.
Норрис Формула-1-де 2019 жылдан бері өнер көрсетіп келеді. Ол «Макларен» командасының негізгі пилоты ретінде Австралия Гран-приінде дебют жасаған. 2024 маусымында да ол жеке есептегі титул үшін күрескен, алайда вице-чемпион атанған.
