Веложолдарда бағдаршам пайда болды

Алматыда велосипед инфрақұрылымын дамыту жобасы аясында жаңа веложолдар салынып, арнайы бағдаршамдар орнатылмақ. Сонымен қатар, қалада электрсамокаттарға қатысты талаптар күшейтілгелі жатыр.

Қай көшелерде веложолдар пайда болады?

Алматы қалалық Жол қозғалысы және жолаушылар тасымалы басқармасының мәліметінше, қазіргі таңда мамандар бірнеше ірі көшеге арналған жаңа көлік схемаларын әзірлеп жатыр.

Жоспар бойынша веложолдар мен самокат маршруттары келесі көшелерде пайда болады:

• Сәтпаев көшесі
• Назарбаев даңғылы
• Тимирязев көшесі
• Жандосов көшесі
• Жароков көшесі

Инфрақұрылым қалай ұйымдастырылады?

Жобада веложолдардың нақты бағыттары да көрсетілген:

• Сәтпаев көшесі — Мүсіреповтен Назарбаевқа дейін, одан әрі Достыққа дейін
• Назарбаев даңғылы — Төле би көшесінен Ганди көшесіне дейін
• Тимирязев көшесі — Жандосовтан Байтұрсыновқа дейін
• Жандосов көшесі — Розыбакиевтен Жароковқа дейін
• Жароков көшесі — Әл-Фарабиден Сәтпаевқа дейін

Бұл учаскелерде:

1. велосипед жолақтары
2. бөлек веложолдар
3. арнайы бағдаршамдар
4. қауіпсіз өткелдер
5. жол белгілері
6. жарықтандыру жүйесі қарастырылады.

2026 жылы Алматыда бірнеше жаңа бағытта веложолдар салу жоспарланған:

• Төле би көшесі — Яссауиден қала шекарасына дейін (9 км)
• Абай даңғылы — Әуезов көшесінен қала шекарасына дейін (1,2 км)
• Сайын көшесі — Рысқұловтан Ақын Сара көшесіне дейін (6,4 км)

Электрсамокаттарға талап күшейеді

Жаңа жоба аясында электрсамокат қозғалысын реттеу шаралары да күшейтіледі. Бұл қаладағы жол қауіпсіздігін арттыруға бағытталған.