LRT құрылысына алғашқы рельс төселді

LRT құрылысына алғашқы рельс төселді. CTS компаниясының хабарлауынша, оның № 116 және № 117 станциялар арасындағы эстакада бөлігінде рельс жолының алғашқы 500 м төсеу аяқталған. 

"Бұл сынақ кезеңі қысқы ауа-райының LRT жоғарғы құрылымының жай-күйіне әсерін зерттеуге мүмкіндік береді. Рельс жолы арматуралық жақтау, шпалдар, рельстер және бекіткіштерден тұрады. Эстакаданың жалпы ұзындығы 22,4 км құрайды және оның бүкіл ұзындығына қос жол салынады", - делінген компания хабарламасында.

Айта кетейік, жылы кезеңнің басталуымен эстакаданың барлық ұзындығына рельстерді төсеу басталады. Бұл жұмыс жоспар бойынша 2025 жылы аяқталуы тиіс.