Қазақстан азаматтары енді алаяқтар рәсімдеп берген несиелерден сотқа жүгінбей-ақ құтыла алады. Бұл туралы Қаржы нарығын реттеу және дамыту агенттігі (ҚНРДА) төрағасының орынбасары Олжас Қизатов мәлімдеді.
Қаржы нарығын дамыту және тұтынушылардың құқықтарын қорғау туралы заң жобасы Мәжілістің екінші оқылымында мақұлданды. Құжатта алаяқтық жолмен рәсімделген несиелерді сотқа дейінгі тәртіппен есептен шығару механизмдері қарастырылған.
Олжас Қизатовтың айтуынша, қазіргі қолданыстағы норма бойынша несие тек сот шешімімен ғана күшін жоя алады. Бұл – зардап шеккен азаматтар үшін ұзақ әрі күрделі процесс. Жаңа заң жобасы бұл тәртіпті жеңілдетуді көздейді.
Сотсыз несиені жою үшін бірнеше маңызды талаптар қарастырылған:
Егер осы талаптар орындалмаған болса, банк пен микроқаржы ұйымдары мұндай несиелерді сот шешімінсіз автоматты түрде есептен шығаруы тиіс.
Қизатовтың айтуынша, заң жобасында биометриялық сәйкестендіру бұзылған, антифрод-орталық талаптары сақталмаған немесе клиенттің деректері заңсыз пайдаланылған жағдайларда сот арқылы да несиені жою мүмкіндігі кеңейтіледі.
“Егер осындай бұзушылықтар дәлелденсе, сот қаржы ұйымына несиені күшін жою туралы шешім шығара алады”, – деді ол.
Сонымен қатар, заң аясында банктер мен МҚҰ үшін сотқа дейінгі есептен шығару тәртібі заңнамалық деңгейде алғаш рет енгізіледі.
