Ерке Есмахан Дубайдағы демалыстан жүктілігі жайлы әсерлі фотолармен бөлісті (ФОТО)

Ерке Есмахан жазбасында жүктілігі әдеттегіден ұзаққа созылып кеткендей көрінетінін қалжың араластыра айтып өтті:

“Бұл жолғы жүктілігім тым ұзаққа созылып кеткендей болмай ма? Мен әлі де сәбиді күтіп жүрмін. Еуропаны, Азияны, Араб Әмірліктерін аралап шықтым, ал менің балам әлі туатын түрі жоқ. Не де болса, күтеміз. Бұл – Дубайдан естелікке арналған фотоальбом”, – деп жазды әнші.

Сондай-ақ Ерке жанкүйерлеріне жылы тілек арнады:

“Бәріңізге осындай ғажап демалыс, шопинг пен жүктілік бұйырсын. Баршасына шүкір”, – деді ол.

Желі қолданушылары Еркенің жазбасына жылы лебіздерін қалдырды:

• “Сізге жеңіл босану тілейміз”
• “Әдемі сәт”
• “Жаңа өмірмен бірге үйіңізге үлкен бақыт келсін”
• “Ең сұлу әйел – аяғы ауыр әйел”
• “Сізге және RaiM-ға тек бақыт тілейміз”

Ерке мен RaiM-ның Дубайдағы демалысы желіде үлкен қызығушылық тудырды. Жарқыраған күн, сәнді киімдер мен болашақ ананың жарқын көңіл-күйі — бұл фотолар Еркенің жанкүйерлерін шабыттандырды.