Жұмыртқа тұрақты, ал капуста – қымбат. Елдегі азық-түлік бағасы қалай өзгеріп жатыр?
2025 жылдың 15 сәуіріне қарай Қазақстанда бірқатар әлеуметтік маңызы бар азық-түлік өнімдерінің бағасы төмендегені тіркелді. Бұл туралы ҚР Сауда және интеграция министрлігі хабарлады. Ең айқын мысал — С1 санатындағы жұмыртқа. Оның бағасы жыл басынан бері 3%-ға түсті.
Биыл ақпанда сауда министрлігімен отандық өндірушілер және ірі сауда желілері арасында С1 санатындағы жұмыртқаның шекті бағасын 55 теңгеден асырмау туралы меморандумға қол қойылды. Құжаттың мақсаты — бағаның негізсіз көтерілуіне жол бермеу және әлеуметтік маңызы бар өнімдерге тұрақтылық орнату.
Ұлттық статистика бюросының мәліметінше:
Сәуірдің 8-15 аралығында баға өзгерген жоқ, бұл нарықтағы тұрақтылықтың белгісі.
Жұмыртқадан бөлек, күріштің бағасы 4,7%-ға, бидай ұны — 1,8%-ға, қарақұмық — 0,3%-ға төмендеген. Министрлік бұл тауарларға үнемі мониторинг жасап отырғанын атап өтті. Мемлекет азық-түліктің қолжетімділігін сақтау үшін жеткізушілермен және супермаркеттермен тығыз жұмыс жүргізіп жатыр.
Сауда министрлігінің хабарлауынша, күнбағыс майы, сүзбе және макарон өнімдерінің бағасы өзгеріссіз. Бұл да нарықтағы біршама тұрақтылықты көрсетеді.
Бірақ көкөніс бағаларында маусымдық өсім байқалады:
Ведомство бұл өсімді сақтау мен тасымалдауға кететін шығындардың артуымен байланыстырды.
Әсіресе Алматыдағы кейбір супермаркеттерде жаңа картоптың күрт қымбаттауы жұртшылықтың наразылығын тудырды. Оның бағасы экзотикалық жемістермен теңесіп кетті. Бұл жайт әлеуметтік желілерде кеңінен талқыланды. Министрлік жағдайды бақылауда ұстап отырғанын мәлімдеді.
