Белгілі болғандай, футболшының сүйіктісі мүлде басқа қалада тұрады екен.
«Барселона» футбол клубы Ла Лига чемпиондығын тойлаған кезде Гавидың жанындағы бойжеткен жұрттың назарын бірден өзіне аударды. Жанкүйерлерді “бұл қыз кім? Шынымен де ғашығы ма?” деген сұрақ мазалай түсті.
Көрермендердің назарын аударған арудың есімі – Ана Пелайо. Оның жасы – 22-де, яғни Гавиден бірнеше жас үлкен. Ана әлеуметтік желілерде кеңінен танымал: Instagram-парақшасында 300 мыңға жуық оқырманы бар.
Гави мен Ана көпшілік алдына алғаш рет 2024 жылдың қазан айында шыққан. Дәлірек айтқанда, «Барселона» мен «Севилья» арасындағы матчта. Алайда олардың қарым-қатынасы жайлы алғашқы қауесеттер 2024 жылдың жазында тарай бастады.
Қызықты факт — Ана Пелайо Барселонада емес, Севильяда тұрады және сол жерде оқиды. Бұл екеуін шамамен 1000 шақырым бөліп тұр. Соған қарамастан, ара қашықтық олардың махаббатына бөгет емес секілді.
Болжам бойынша, Гави мен Ана футболшы жарақат алып, оңалту процесінен өтіп жатқан кезде танысқан. Сол сәтте Ана оған қолдау көрсетіп, жанында болған.
