Қазақстандық танымал продюсер және тележүргізуші Баян Алагөзова Instagram парақшасында жұбайы Түрсенғали Алагөзовтың бала күнінде түсірілген бұрын-соңды жарияланбаған фотосын көрсетті.
“Алмушканың әкесі”, — деп қысқа ғана сипаттама қалдырған Баян ханым сурет астында.
Белгілі болғандай, бұл пост Алагөзовтер әулеті үшін маңызды оқиғамен тұспа-тұс келіп отыр. Ерлі-зайыптылар қызы Алисаның 10 айға толуын атап өтуде. Продюсер осы қуанышымен де желіде жариялаған.
Баян Алагөзова соңғы уақытта отбасылық өмірінің кейбір тұстарын көпшілікке жариялап жүр. Ол бұған дейін өзінің кіші екі қызы — Алиса мен Алманың бейнесі анық көрінетін фотоларын алғаш рет көрсеткен болатын.
“Балаларды қорғау күніне орай, сіздерді кіші қыздарымызбен таныстырғым келді”, — деп жазған еді ол өз парақшасында.
