Қазақстандық шахматшы, халықаралық гроссмейстер Жансая Әбдімәлік әлеуметтік желідегі оқырмандарының сұрақтарына жауап беріп, бірқатар өзекті тақырыптарды қозғады.
“Иә, ондай ой болды. Бірақ дәл қазір емес. Жалпы алғанда, Қазақстан құрамасының бас бапкері ретінде өзімді сынап көруге қарсы емеспін. Қатаң мінезім мен жеңіл атмосфераны ұштастыра білсем, командамен жұмыс істеу қызықты болар еді”.
Келесі сұрақта Жансаядан елдегі ең мықты шахматшы кім деп сұралды. Шахматшы бұл сұраққа қысқа да нұсқа жауап қайырды:
“Нақты айта алмаймын. Бірақ өзім кеткеннен кейін бәрі босаңсып кеткендей әсер қалдырды. Қазір ойыншылар арасында белгілі бір тұрақсыздық пен бейберекет байқалады”.
Жанкүйерлер Жансаядан Бибісара Асаубаеваның тіліне байланысты туындаған сынға қатысты пікірін де сұрады. Айта кетейік, бұған дейін екі шахматшының қарым-қатынасы керемет болмағаны белгілі.
“Шынымды айтсам, бұдан маңыздырақ мәселелер бар. Оның жағдайы — өз таңдауы. Неліктен мен бұл туралы ойлануым керек? Өз ісін өзі шешсін”, — деп жауап берді Әбдімәлік.
