Танымал актриса жүктілігі туралы алғаш рет ашық айтты.
Отандық актриса әрі Қайрат Нұртастың жары Жұлдыз Әбдікәрімова жуырда бесінші баласына аяғы ауыр екенін жария етіп, жанкүйерлерімен қуанышын бөлісті. Бұл туралы ол НТК телеарнасындағы "Ревю" бағдарламасына берген сұхбатында айтты.
Әлеуметтік желідегі парақшасында жүктілігін растаған суреттерін жариялаған Жұлдыз бұл жағдайдың өзі үшін тосынсый болғанын жасырмады.
"Шынымды айтсам, мұндайды күтпеген едім. Көпшілік менің сол кезеңдегі өмірлік жағдайымды жақсы біледі. Сондай сәтте осындай жаңалықтың болуы мені таңғалдырды. Бірақ бәлкім, бәрі Алланың жазғанымен солай болған шығар. Естіген кезде жүрегім елжіреп, қуанышқа бөлендім. Төрт балам бар, енді бесіншісін де шын жүректен қарсы аламыз. Құдайдың бергенін қайтаруға болмайды", — деді актриса.
Жұлдыз Әбдікәрімованың бұл жаңалығы әлеуметтік желілерде қызу талқыланып жатыр. Көптеген жанкүйер оның шынайылығына және ана ретінде ұстанымына жылы лебіздерін білдіруде.
