Стив Джобстың қызы Олимпиада чемпионымен отбасын құрды (ФОТО)

Ив Джобс пен Гарри Чарльз — жаңа жұлдызды жұп

Технология алыбы Стив Джобстың кенже қызы — Ив Джобс британиялық ат спортшысы Гарри Чарльзге тұрмысқа шықты. Бұл туралы бірнеше шетелдік БАҚ жазып жатыр. 

Ив пен Гарридің қарым-қатынасы жайлы мәліметтер аса көп жарияланбаған. Алайда олардың жұп ретінде алғаш рет 2024 жылғы Париж Олимпиадасы кезінде көпшілік назарына іліккені белгілі. Дәл сол сәтте Гарри Чарльз ат спортының конкур түрінен алтын медаль жеңіп алды.

Стив Джобстың отбасы туралы

Стив Джобс — технология әлемінде аты аңызға айналған тұлға. Ол Apple компаниясының тең құрылтайшысы, инновациялық өнімдер мен ерекше басқару стилі арқылы жаһандық ықпалға ие болған. 2011 жылы ұйқыбез обырынан қайтыс болды.

Оның төрт баласы бар:

• Лиза Бреннан-Джобс – суретші Крисанн Бреннаннан туған;
• Рид Джобс, Эрин Джобс және Ив Джобс – жұбайы Лорен Пауэллмен бірге отбасын құрғаннан кейін дүниеге келген.

Ив Джобс кім?

Ив Джобс — 1998 жылы туған. Ол модельдік салада танылып, сонымен қатар ат спортымен шұғылданатын кәсіби шабандоз ретінде де аты шыққан. Спортқа деген қызығушылығы мен сымбатты келбеті оны көпшілікке әйгілі етті.