Қазақстандық танымал орындаушы Jah Khalib (Бахтияр Мамедов) ел ішіндегі концерттік турын тоқтатқанын мәлімдеді. Бұл туралы ол өзінің Instagram парақшасында хабарлады.
Бұған дейін жарияланған мәліметтерге сәйкес, Jah Khalib-тің гастрольдік туры елдің бес ірі қаласын қамтуы тиіс болатын:
Алайда жоспарланған концерттер кейінге шегерілді немесе мүлде өтпейтін болды.
Орындаушы турдың тоқтатылу себебін жан тебірентерлік мәлімдемесінде түсіндірді:
"Қызым туғаннан кейін ота жасалып, қазір ауыр хәлде жатыр. Мен барымды салып сахнаға шығуға тырыстым, бірақ шамам жетпейді", – деп жазды Jah Khalib.
Сондай-ақ ол жұбайына қолдау көрсету керектігін ерекше атап өтті:
"Қазір әйелімнің жанында болуым керек. Оның менің көмегіме мұқтаж кезі. Түсіністікпен қарауларыңызды сұраймын. Кім қалай қолдай алса – балаларымыздың саулығы үшін дұғада болайық", – деп қорытындылады ол.
Әнші концертке билет алған тыңдармандардан кешірім сұрады және барлық ақпарат кейінірек ресми түрде жарияланатынын мәлімдеді.
