Белгілі қазақстандық шахматшы, халықаралық гроссмейстер Жансая Әбдімәлік ана атанды. Бұл қуанышты жаңалықты спортшының өзі әлеуметтік желідегі парақшасында жариялады.
Ол жүктілігі жайында бар-жоғы үш күн бұрын көпшілікке хабарлаған болатын.
Қазақстан шахмат федерациясы да өзінің ресми парақшасында Жансаяны құттықтап, жылы лебізін білдірді:
"KazChess федерациясы еліміздің мақтанышы, гроссмейстер Жансая Әбдімәлікті ана атануымен шын жүректен құттықтайды! Отбасыңыздағы әрбір қадам тек сәтті жүрістерге, ал балаңызбен өткізген әр күніңіз жаңа жеңістерге толы болсын".
Айта кетейік, Жансая Әбдімәлік 2023 жылы "Қазақмыс" компаниясының басқарма төрағасы Нұрахмет Нұриевпен шаңырақ көтерген еді.
