Испаниялық БАҚ Криштиану Роналдудың сүйіктісі Джорджина Родригестің жүкті екенін хабарлап, футбол әлемінде жаңа үлкен жаңалықтың алдында тұрғандай әсер қалдырды.
Маусым айында өткен Ұлттар лигасының финалында Джорджина жұрт назарына ілікті. Ол киген көйлектің астынан айқындалған дене пішіні журналистердің күдігін тудырды. Папараццидің кадрлары әлеуметтік желілерде тез тарап, БАҚ-та «жүкті болуы мүмкін» деген болжам көбейді.
Испанияның Telecinco арнасы ¡Vaya Fama! бағдарламасында тілші Альба Моралес сенімді дереккөздерге сүйене отырып:
«Иә, Джорджина сәби күтіп жүр. Оның қимыл-қозғалысы мен ішін қорғап ұстауы – соның айғағы» – деп мәлімдеді.
Алайда Роналду мен Джорджина бұл ақпаратты әзірге растаған да, теріске шығарған да жоқ.
Тамыз айында Джорджина Родригес Instagram парақшасында үлкен гауһар тасты жүзігін көрсетіп, Роналдумен ресми түрде некелескенін хабарлады.
«Иә, мен келісемін. Бұл өмірде де, басқа өмірлерде де» – деп жазды.
Бұл жаңалық жанкүйерлер арасында үлкен талқыға түсті. Енді БАҚ неке қию рәсімінің нақты күнін іздеуде.
Кейбір сарапшылар болжамды жүктілікті Сауд Арабиясының заңымен байланыстырады. Өйткені 2023 жылдан бері Ерлі-зайыптылар Эр-Риядта тұрады. Бұл елде некесіз бала туу заң бойынша қатаң тыйым салынған.
Қос ғашықтың хикаясы 2016 жылы басталды. Ресми нұсқа бойынша, олар Мадридтегі Gucci бутигінде танысқан. Бірақ модельдің жақын досы Пабло Буна бұл нұсқаны «маркетингтік аңыз» деп атап, шын мәнінде екеуінің жолы Opium түнгі клубында түйіскенін айтқан.
2017 жылы олар ашық түрде қарым-қатынасын жариялады. Содан бері футбол мен шоубизнес әлеміндегі ең танымал жұптардың біріне айналды.
Бүгінде Криштиану Роналду мен Джорджина Родригестің шаңырағында бес бала бар:
Джорджина екі баланың биологиялық анасы болса да, Роналдуның қалған балаларына да қамқор болып отыр.
