ByteDance компаниясының негізін қалаушы және TikTok қосымшасының иесі Чжан Имин Қытайдағы ең бай адам атанды. Бұл туралы Hurun Research Institute зерттеу институтының рейтингіне сілтеме жасап, Penalty.kzхабарлайды.
Рейтингке ену үшін байлықтың ең төменгі шегі 5 миллиард юань (шамамен 700 миллион АҚШ доллары), ал есептеулер тамыз айының соңындағы мәліметтер бойынша жүргізілді. 41 жастағы Чжан Иминнің байлығы 49,3 миллиард долларға бағаланған. ByteDance компаниясының жаһандық табысы өткен жылы 30 пайызға өсіп, 110 миллиард долларға жетті. Чжан Имин 2021 жылы компанияның бас директоры қызметінен кетсе де, компанияның қаржы көрсеткіштері оның жеке байлығына әсер етті.
Nongfu Spring және Beijing Wantai Biological Pharmacy Enterprise компанияларының иесі, 70 жастағы Чжун Шаньшань, үш жылдан бері алғаш рет көшбасшылық орнын жоғалтып, екінші орынға түсіп қалды. Оның байлығы 47,9 миллиард доллар құрап, өткен жылмен салыстырғанда 24 пайызға немесе 15,5 миллиард долларға кеміген. Бұл — жыл ішіндегі ең ірі төмендеу. Ақпанда оның су өндірісіндегі бизнесі теріс пікірлерге тап болса да, инфекциялық ауруларды диагностикалауға маманданған компаниясы жақсы қаржылық нәтиже көрсетті.
Hurun Research мәліметінше, биыл 700 миллион АҚШ долларына жуық байлығы бар 1094 адам тіркелді, бұл өткен жылмен салыстырғанда 12 пайызға немесе 147 адамға аз. Кәсіпкерлердің жалпы байлығы 3 триллион АҚШ долларын құрап, өткен жылмен салыстырғанда 10 пайызға төмендеген.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
