Елордада үш мыңнан аса домбырашы бір мезетте күй орындап, Қазақстанның Гиннес рекордтарын тіркеу кітабына енді. Бұл туралы Астана әкімдігі хабарлады.
«Нағыз қазақ қазақ емес, нағыз қазақ – домбыра» атты ауқымды іс-шарада үш мыңнан астам оқушы Құрманғазы Сағырбайұлының «Балбырауын» күйін күмбірлетті.
«Бұған дейін ешқашан бір залда 3200-ден астам музыкант күй немесе басқа музыкалық шығарма орындап көрген жоқ. Бұл жөнінде осы іс-шара осыған дейінгі елімізде орнатылған рекордтарды басып озып отыр. Әлем бойынша да ең үлкен музыкалық рекордтардың бірі болғалы отыр деуімізге болады. Десе де біздің негізгі мақсатымыз – ел аймағы бойынша Қазақстан рекордтар кітабына тіркеу. Ал бұл мақсатымызға бүгін толық жеттік деп айта аламыз. Осы процесті арнайы сарапшыларымыз бақылап отырды. Балалардың санын 8 сарапшы, ал күйдің орындалу сапасын 4 сарапшы саралады», - деді Қазақстан Гиннес рекордтар кітабының ресми өкілі Қуандық Құдайбергенов.
Айта кетсек, алдыңғы рекорд 2018 жылы Орал қаласындағы Тұңғыш Президент алаңында өткен шарада тіркелді. Құрманғазының «Балбырауын» және «Адай» күйлерін 1750 орындаушы тартты. Ал 2010 жылы Шыңжаң өңіріндегі Толы ауданының 10 мың домбырашысы бір сәтте қазақ халқының «Кеңес» күйін орындап, Гиннесстің рекордтар кітабына енді.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
