Осыған дейін желіде Мейіржан Төребаевтың Алматыдағы колонияға жіберілгені туралы ақпарат пайда болған еді.
Осыған дейін желіде Мейіржан Төребаевтың Алматыдағы колонияға жіберілгені туралы ақпарат пайда болған еді. Қылмыстық-атқару жүйесі комитеті (ҚАЖК) бұл ақпаратты растап, вайнерлер Мейіржан Төребаев пен Мейірхан Шернияязовтың Алматыға этаппен жіберілгенін мәлімдеді.
«Алматы қаласындағы мекемеде ұсталатын адамдар лимитінің ұлғаюына байланысты сотталғандардың бірқатары, соның ішінде сіз атап өткен тұлғалар да, тұрғылықты жеріне этаппен жіберілді», – деп мәлімдеді ҚАЖК өкілдері.
Еске сала кетейік, 2023 жылдың маусым айында Төребаев пен Шерниязов Қылмыстық кодекстің 217-бабы «Қаржылық (инвестициялық) пирамиданы құру және басқару» бойынша кінәлі деп танылып, әрқайсысы бес жылға сотталған болатын. Бұл іс бойынша қалған айыпталушылар 8 жылдан 14 жылға дейін бас бостандығынан айырылды.
Сонымен қатар, сот жәбірленушілердің 1 миллиард 861 миллион 752 мың 441 теңге көлеміндегі азаматтық талап-арыздарын қанағаттандырды.
Вайнерлер Павлодар облысындағы РММ «№ 44 мекемесінде» жазасын өтеп, РМК-ның «Еңбек-Павлодар» филиалында жұмыс істеген.
