Ол Қазақстанға оралып, 2008 жылы Бейжің Олимпиадасында топ жарған.
Бақыт Сәрсекбаев Бейжің Олимпиадасында чемпион атанғанда Өзбекстан бокс федерациясында үлкен мәселелер қозғалғанын мәлімдеді.
“Берен Live” YouTube-арнасына сұхбат берген спортшы бірқатар сұрақтқа жауап беріп, негізгі қарсыласы саналған Дильшод Махмудовтан Бейжің Олимпиадасында басым түскен соң көптеген жайтқа куә болғанын айтты.
“Бейжің Олимпиадасында жеребе кездейсоқ болды. Менің қарсыластарым кім болатынын білгенім жоқ. Ал Өзбекстан құрамасындағы негізгі қарсыласым Дильшод Махмудовпен ширек финалда кездестік. Ол да толқыды, мен де жауапкершілікті сезіндім. Кейін маған бұған қатысты неше түрлі әңгімелер жетіп жатты. "Неліктен оны Өзбекстан құрамасынан жібердіңдер, неге елде алып қалмадыңдар" деген әңгіме болған. Сол уақыттары мен Азия чемпионы, Азия ойындарының қола жүлдегері атанған едім”, - деді Бақыт Сәрсекбаев.
Боксшы сұхбат барысында өзінің қазақ болғаны үшін өзбек құрамасы сапында Афины Олимпиадасынан тыс қалғанын атаған еді. Сондай-ақ, 2004 жылы Тәжікстан атынан Олимпиадаға баруға ниетті болған. Бірақ оған рұқсат берілмеген.
Бақыт Сәрсекбаев 2004 жылы Қазақстанға оралып, 69 келіде ел чемпионы атанды. Боксшы 2005 жылы Азия чемпионы болып, әлем кубогында ұлттық құрамамен бірге қола жүлдеге ие болды. Сондай-ақ, 2006 жылы Азия ойындарының жеңімпазы, 2007 жылы Азия чемпионы, ал 2008 жылы Олимпиада ойындарында чемпион атанды. Ол іріктеу кезеңдерінде Канада, Молдова боксшыларын ұтса, ширек финалда Өзбекстан, жартылай финалда Оңтүстік Корея, финалда Куба боксшысынан басым түсті.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
