Бүгін Астанада қала тұрғындары мен қонақтарының смартфондарында Ұлттық ескерту іске қосылды. Дабыл елордалықтардың үрейін ұшырды.
Белгілі болғандай, Астананы төтенше жағдайлар кезінде Cell Broadcast технологиясы арқылы жаппай хабарландыру жүйесіне қосу жұмыстары жүргізіліп жатыр. Бұл туралы Stan.kz ақпарат агенттігі хабарлайды.
Цифрлық даму, инновациялар және аэроғарыш өнеркәсібі министрлігі дабылдың тестілеу режимінде жүргізілгенін мәлімдеді.
“Қазіргі уақытта Астана қаласының Cell Broadcast технологиясы бойынша Төтенше жағдайлар кезінде жаппай құлақтандыру жүйесіне қосубойынша жұмыстар жүргізіліп жатқанын хабарлаймыз. Бұл ескерту тестілеу режимінде жүргізілді”, – делінген хабарламада.
Ведомство қала халқын уайымдамай, тек ресми ақпарат көздеріне сенуге шақырды.
