3 тамызда екі команда да өз алаңында ойнайды — бірі «Жеңіспен», екіншісі «Қайсармен» кездеседі. Сарапшылар ойын тағдыры әртүрлі сценариймен өрбуі мүмкін деп болжайды.
Қазақстан Премьер-лигасы. 19-тур
«Ақтөбе» (Ақтөбе) – «Жеңіс» (Астана) 3 тамыз, 20:00 (Астана уақытымен)
ҚПЛ-дің 19-турындағы орталық кездесуде «Ақтөбе» өз алаңында «Жеңісті» қабылдайды. Olimpbet сарапшылары алаң иелерінің жеңіске мүмкіндігі жоғары екенін мойындайды, бірақ оларды айқын фаворит санамайды.
Басты себеп – «қызыл-ақтылардың» өте тығыз кестеде ойнап жатқаны. Астаналықтармен болатын матч олардың Конференция лигасындағы «Спартадан» ірі есеппен жеңілгенінен кейін үш күннен соң өтеді.
Ал «Жеңіс» бұл кездесуге арнайы дайындалды, сол себепті ойыншыларға күш жинауға уақыт болды.
Жаңа бас бапкер Андрей Демченко келгелі бері астаналықтар бірде-бір матчта жеңілмеген. Жеті ойында 17 ұпай жинады. Салыстыру үшін: Вячеслав Левчук жаттықтыратын ұжым дәл осы аралықта 9 ұпайға кем еншіледі.
Бұдан бөлек, биыл «сары-қаралар» Қазақстан Кубогынан сол кездегі чемпион «Ақтөбені» жарыс жолынан шығарып тастағанын да ұмытпау керек.
Дегенмен, маусым басында «Ақтөбе» чемпионат аясында сырт алаңда «Жеңісті» 1:0 есебімен жеңген болатын. Olimpbet сарапшылары алдағы кездесуде де аса нәтижелі ойын болмайды деп болжайды. Бірақ, «Ақтөбе» бір гол салатынына күмән келтірмейді.
«Астана» (Астана) – «Қайсар» (Қызылорда) 3 тамыз, 20:00
«Ақтөбе» секілді «Астана» да бейсенбіде өткен еурокубоктық матчтан кейін бірден ішкі чемпионатқа оралуы қажет. Бірақ, кишиневтік «Зимбруді» жеңгеннен кейін елордалықтардың көңіл-күйі жақсы.
Оның үстіне, астаналықтардың қарсыласы – «Ақтөбеге» қарағанда әлдеқайда жеңіл. Бабаян шәкірттері өз алаңында «Қайсармен» кездеседі. Olimpbet сарапшылары алаң иелерін анық фаворит деп есептейді.
«Астана» мен «Қайсар» арасындағы 38 кездесудің 28-інде елордалықтар жеңіске жеткен. Тек 3 матчта ғана ұтылған.
Қызылордалықтар соңғы рет бұл қарсыласты 2015 жылдың сәуірінде жеңген. Ал «Астана» алаңында «Қайсар» мүлде жеңіске жетіп көрмеген.
Турнир кестесіндегі жағдайды да ескерсек, көшбасшының оныншы орындағы қарсыласқа қарсы матчта қиналуы екіталай.
Дегенмен, биыл «Астана» Қызылордада өткен матчта «Қайсарды» жеңе алмады – нәтиже 1:1. Тіпті, соңғы екі кездесу де дәл осындай есеппен аяқталған.
Алайда бұл статистика Olimpbet сарапшыларының пікіріне еш әсер етпейді. Олар алаң иелері үш доп айырмасымен жеңіске жетуі ықтимал десе, қонақтардың тіпті тең ойын көрсетуі де қиын дейді.
Дереккөз: Olimpbet Arena
