Қазақстандық киберспортшы жақында ірі турнирдің жеңімпазы атанды.
Қытайда Counter-Strike 2 бойынша IEM Chengdu 2025 турнирі өтті, онда Қазақстан командасы киберспортта сенсация жасады.
20 жастағы қазақстандық Данил "Molodoy" Голубенко командасымен бірге жүлде қоры 1 миллион доллар болған турнирде жеңіске жетті. Ол трофеймен түскен фотосын әлеуметтік желідегі парақшасында жариялады.
Данил бразилиялық Furia командасында өнер көрсетеді, ұжымы финалда 3:0 есебімен жеңді, ал "Molodoy" турнирдің MVP-і — чемпионаттың үздік ойыншысы атанды. Бұл марапат киберспортшының мансабындағы екінші жетістігі. Ол бір порталға эмоцияларымен бөлісті:
"“Жылдың жаңалығы” сыйлығын алу жаман болмас еді, бірақ ол мен үшін... онша маңызды емес. Ең алдымен, мен турнирлерде жеңуді қалаймын, содан кейін барып MVP немесе “Жылдың жаңалығы” атанғым келеді. Трофей жеңіп алған кезде — бұл бәрінен жақсы", — деді Данил сұхбатында.
Командалар 300 мың доллар көлеміндегі жүлде қорын сарапқа салды, сондай-ақ 700 мың долларды өзара бөлді.
Жеңістен кейін Данил Қазақстан туралы да айта кетті. Жас киберспортшы өз елін биіктен көрсетуді армандайтынын айтты:
"Мен өз елімді, өз туымды – Қазақстанды танытамын. Қазақстан әрдайым биікте болса екен деймін. Бұл — менің арманым. Қазақстанды әлемнің, спорттың шыңында көрсеткім келеді — бұл менің арманым.
