"Күтудеміз". Қазақстан ФИФА-да пайда болуы мүмкін

Electronic Arts компаниясы Қазақстан футбол федерациясымен ресми келісімшарт жасауды көздеп отыр. Егер тараптар қол қойса, Қазақстан құрамасы, Премьер-лига немесе жеке клубтар ФИФА сериясындағы компьютерлік ойындарға енуі мүмкін. 

EA мен ҚФФ: тарихи келісім

Киберспортшы, блогер және «Ордабасы» фарм-клубының бұрынғы қызметкері Арман Пірманов Electronic Arts компаниясы ҚФФ-ке ресми хат жолдағанын мәлімдеді.

«ҚФФ-ке Канададан Electronic Arts компаниясынан арнайы хат келді. Енді Федерация басшылығының қолын күтіп отырмыз. Қол қойылса жұмысты бастаймыз. Алдағы күндері бұл мәселе шешіледі деп үміттенемін», — деді Пірманов.

Арман Пірманов Қазақстанның халықаралық ойын индустриясына қосылуын «арманы орындалған сәт» деп атады.

«Electronic Arts — әлемдегі ең алып гейминг компанияларының бірі. Олар бізге өздері хабарласып, келісімшарт жолдады. Енді тек соңғы штрихтар қалды. Егер алдағы бірнеше күнде қол қойылса, бізде 30-ына дейін уақыт бар. Бұл — ұлттық құраманы, Премьер-лиганы немесе жекелеген клубтарды ойынға енгізу жолындағы үлкен қадам», — деді ол.

Егер келісім ресми түрде бекітілсе, алдағы уақытта Қазақстан келесі форматтарда пайда болуы мүмкін:

• Қазақстан ұлттық құрамасы
• Қазақстан Премьер-лигасы толық құрамымен
• Жеке клубтар («Қайрат», «Астана», «Ордабасы» және т.б.)

Electronic Arts — жыл сайын шығарылатын әйгілі FIFA / EA Sports FC ойындары сериясының авторы.