ПСЖ мен Мбаппе арасындағы дау: клуб 55 миллион еуро қарыз ба?

Мадридтік «Реал» шабуылшысы Килиан Мбаппенің өкілдері Францияда сот арқылы ПСЖ клубының есепшотынан 55 миллион еуро көлеміндегі қаржыны бұғаттатқаны белгілі болды. Бұл туралы Tengri Sport француз басылымдарына сілтеме жасап хабарлады.

Даудың басы неде?

Француз жұлдызының айтуынша, ПСЖ оған төленбеген жалақы мен бонустар үшін 55 миллион еуро қарыз. Бұл сома бірнеше бөліктен тұрады:

• Қол қою бонусының төленбей қалған бөлігі – 36 миллион еуро
• Клубтағы соңғы үш айдағы жалақысы

Париж соты футболшының талабы бойынша ПСЖ-нің банктік шоттарына алдын ала бұғат қою туралы шешім шығарған.

Қысым күшейіп жатыр

Кешегі өткен баспасөз мәслихатында Мбаппенің өкілдері бұл даудың тек қаржы мәселесі емес екенін ескертті:

«Мен Францияның спорт министріне ресми түрде жүгінемін. Жоғарғы апелляциялық комитеттің шешіміне қарсы шаралар қабылдануы тиіс. Сонымен қатар, ПСЖ тарапынан УЕФА алдындағы төлем бойынша берешек бар екенін ескере отырып, клубтың 2025/26 жылғы Чемпиондар лигасына қатысу лицензиясынан айырылуы мүмкін екенін хабарлауды сұраймын», – деді ойыншының адвокаттары.

Не болуы мүмкін?

Егер бұл дау жақын арада шешілмесе:

• ПСЖ клубы УЕФА лицензиясынан айырылуы мүмкін
• Мбаппенің талаптары заңды түрде дәлелденсе, клубқа айыппұл мен спорттық санкциялар қолданылуы ғажап емес.

Бұл дау Еуропа футболындағы ең ықпалды клубтардың бірін жаңа дағдарысқа тіреуі мүмкін. Ал Мбаппе болса, мадридтік жаңа мансабына үлкен серпінмен кірісіп жатыр.