Бразилия чемпионатының 4-турында "Сантос" өз алаңында "Атлетико Минейроны" 2:0 есебімен жеңіп, жанкүйерлерін қуантты.
Алайда бұл кездесуде Неймардың кезекті жарақаты басты жаңалыққа айналды. Атақты шабуылшы небәрі 34 минут ойнап, ауырсынуға байланысты ойыннан шықты. Алаңды көзіне жас алып тастап кеткен Неймардың сол сәті бейнежазбада түсірілген.
Неймар бұған дейін наурыз айында тізе асты сіңірінен жарақат алып, ұзақ уақыт бойы емделген. Ол биылғы маусымда тек екі ойынға қатысып үлгерді:
Екі ойында да гол соқпады және нәтижелі пас та берген жоқ.
