"Ақтөбе" бас бапкерсіз жеңіске жетіп, көшбасшылар қатарынан көрінді (ВИДЕО)
Қазақстан Премьер-Лигасының алтыншы турында "Ақтөбе" Жезқазғанның "Ұлытау" командасын қабылдады.
Бас бапкердің отставкасына қарамастан алаң иелері бұл кездесудің анық фавориті саналды. Қарсылас — турнир кестесінің соңында тұрған "Ұлытау" ұжымы еді.
Ақтөбеліктер ойын тізгінін өз қолдарында ұстады. Бірақ жиі шабуылдағанымен қауіпті сәттерді көп жасай алмады. Қорғаныста да бірнеше рет қарсы шабуылдан қателікке бой алдырды.
Кездесу тағдырын 76-минутта Жайро Жанның соққан жалғыз голы шешті.
Бұл жеңістен кейін "Ақтөбе" 13 ұпай жинап, турнир кестесінің жоғарғы бөлігінде орнықты. Ал "Ұлытау" екі ұпаймен төменгі орында қалып отыр.
ҚПЛ. 6-тур.
"Ақтөбе" — "Ұлытау" (Жезқазған) 1:0 (0:0)
Гол: Жан 76 (1:0).
Бұл туралы не ойлайсыз?
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.