Қазақстан Премьер-Лигасының 6-турында Шымкенттің "Ордабасы" командасы "Тұранмен" кездесті.
Кездесу тең деңгейде өтті. Бірінші таймда “Тұран” есеп ашуға жақсы мүмкіндік алды. Абылайхан Жұмабек пенальтиден гол соға алмады. Оның соққысын қақпашы Бекхан Шайзада қайтарды. Бұл сәттен кейін “Ордабасы” шабуылшысы Эвертон Мораес қақпашымен бетпе-бет шыққан сәтте командасын алға шығарды.
Екінші таймда шымкенттіктер басымдықты арттыруға тырысқанымен есеп өзгерген жоқ. Ақыры “Ордабасы” 1:0 есебімен жеңіске жетті. Бас бапкер Андрей Мартин үшін бұл маусымдағы екінші жеңіс болды.
“Ордабасы” (Шымкент) – “Тұран” (Түркістан) 1:0 (1:0)
Гол: Мораес 44 (1:0)
Соғылмаған пенальти: Жұмабек 41 (қақпашы).
