Футболдан Қазақстан Премьер-Лигасының 7-турында шымкенттік "Ордабасы" сырт алаңда "Атырауға" қарсы ойында үш ұпайды қоржынға салды.
Бірінші таймның соңында 37-минутта бұрыштамадан кейін капитан Сергей Малый есеп ашты. Екінші тайм енді басталғанда Сұлтанбек Астанов баспен екінші голды тіркеді. Алаң иелері тек 89-минутта Мейрам Сапановтың голымен жауап қайтара алды – 1:2.
Осылайша “мұнайшылар” қатарынан сегізінші матчта жеңіліс тапты. Еске сала кетейік, қазір команданы 37 жастағы Қуаныш Қабдолов жаттықтырады.
“Атырау” — “Ордабасы” (Шымкент) 1:2 (0:1)
Голдар: Малый 37’ (0:1), Астанов 52’ (0:2), Сапанов 89’ (1:2)
