ҚПЛ-де сәтсіздікке ұшыраған "Атырау" футбол клубы кезекті кездесу алдында тосын әрекетке барды. Команда 7-турда "Ордабасыға" қарсы ойынға дейін діни рәсім өткізген.
Матч алдындағы дайындық барысында “Атырау” футболшылары құрбандыққа қой шалды. Бұл қадам – команда ішіндегі сәтсіздікті жою мақсатында жасалған әрекет. Клуб өкілдері бұл рәсімнің командаға оң серпін береді деп үміттенген.
Бірақ діни салттың пайдасы болмады. “Мұнайшылар” өз алаңында “Ордабасыдан” 1:2 есебімен жеңіліп қалды. Осылайша клубтың ҚПЛ-дегі жеңілістер сериясы сегіз ойынға ұласты.
