"Жетісу" биылғы маусымда Қазақстан Премьер-Лигасында (ҚПЛ) бірде-бір жеңіске жете алмады.
"Жетісу" футбол клубының жағдайы күннен-күнге қиындап барады. Ағымдағы маусымда сегіз тур бойы жеңіс дәмін татпаған. Соңғы ойында талдыкорғандықтар "Оқжетпеске" 1:3 есебімен есе жіберді.
Осы жеңілістен кейін бас бапкер Самат Смақов, оның жаттықтырушылар штабы және клуб директоры Марк Гурман қызметінен кетуі мүмкін деген бейресми ақпарат тарады, деп хабарлайды KazFootball.
Жетінші тур алдындағы "Тұранмен" болған матч қарсаңында облыс әкімдігі клуб басшылығына нақты талап қойған. Келесі екі ойында кем дегенде 4 ұпай жинау қажет еді. Алайда бұл шарт орындалмады. "Тұранмен" өткен ойын 0:0 есебімен тең аяқталса, келесі кездесуде "Жетісу" "Оқжетпестен" жеңіліп қалды.
