"Ноттингем Форест" шабуылшысы Тайво Авонийи Англия Премьер-Лигасының 36-турында "Лестерге" қарсы матчта ауыр жарақат алып, жасанды комаға түсті.
Ойын барысында нигериялық шабуылшы қақпа бағанасына қатты соғылып, соған қарамастан бірнеше минут бойы ойынды жалғастырған. Алайда жағдайының күрт нашарлауына байланысты оны алаңнан ауыстыруға тура келді.
Келесі күні футболшыға іш қуысы жарақаты диагнозы қойылып, шұғыл түрде операция жасалды. Аталған жарақаттың салдары өте қауіпті болғаны соншалық – дер кезінде медициналық көмек көрсетілмеген жағдайда қайғылы жағдайға алып келуі мүмкін еді.
Операциядан кейін Авонийиге жасанды кома жағдайы енгізілді. Қазір ол интенсивті терапия бөлімінде, дәрігерлер жағдайын бақылауда ұстап отыр.
26 жастағы Тайво Авонийи – Нигерия құрамасының ойыншысы, 2022 жылдан бері “Ноттингем Форест” сапында өнер көрсетіп келеді. Оның жылдамдығы мен шабуылдағы тиімді әрекеттері команданың негізгі қаруы саналады.
