Жоба қайта қаралды – стадионның көлемі артты

Алғашқы жоспар бойынша стадион ескі “Пищевик” аренасының орнында салынып, 12 мың көрерменге арналған болу керек еді. Алайда жоба қайта қаралып, енді арена жаңа шағын ауданда бой көтереді. Жаңа нұсқа бойынша оның сыйымдылығы 20–22 мың адамға дейін ұлғайтылды.

Еурокубок деңгейіндегі инфрақұрылым

Стадион UEFA-ның үшінші санатына сай болады. Бұл Қазақстан құрамасының достық кездесулерін, сондай-ақ қазақстандық клубтардың еурокубоктардағы іріктеу матчтарын қабылдауға мүмкіндік береді.

Құрылыс жұмыстарына KazMinerals компаниясы қаржы бөледі. Жоба биыл басталады деп жоспарланып отыр.