ҚФФ ұлттық, жастар және әйелдер құрамаларына жаңа бапкерлерді тағайындап, 2026 жылы толыққанды даму стратегиясын таныстыруға уәде берді.
Қазақстан футбол федерациясы (ҚФФ) ұлттық және жасөспірімдер құрамаларына қатысты ауқымды құрылымдық өзгерістер мен жаңа кадрлық тағайындаулар туралы ресми түрде хабарлады. Бұл өзгерістер елімізде футболды жаңа даму кезеңіне көшіру аясында жүзеге асырылуда.
ҚФФ-ның ресми мәліметінше, ұлттық, жастар және әйелдер құрамаларының жаттықтырушылар штабы жаңартылды. Тағайындалған мамандар тізімі төмендегідей:
Геннадий Скуртул — ҚФФ-ның техникалық директоры
Руслан Балтиев — Ұлттық құрамалар департаментінің директоры
Али Алиев — Қазақстан ұлттық құрамасының бас бапкері
Денис Мамонов — 21 жасқа дейінгі жастар құрамасының аға жаттықтырушысы (U-21)
Кирилл Кекер — 19 жасқа дейінгі жасөспірімдер құрамасының аға жаттықтырушысы (U-19)
Бауыржан Сағындық — 17 жасқа дейінгі жасөспірімдер құрамасының аға жаттықтырушысы (U-17)
Мадияр Кембілов — Қазақстан әйелдер ұлттық құрамасының бас жаттықтырушысы
Жанна Мальгаждарова — 19 жасқа дейінгі қыздар құрамасының аға жаттықтырушысы (U-19)
Юлия Мамонова — 17 жасқа дейінгі қыздар құрамасының аға жаттықтырушысы (U-17)
ҚФФ мәлімдемесінде атап өтілгендей, 2026 жылдың басында футболды техникалық дамытуға арналған жаңа ұлттық стратегия таныстырылмақ. Бұл құжат ерлер, әйелдер, жасөспірімдер және жастар футболын толық қамтитын кешенді бағдарлама болмақ.
